شہیدِ کربلا - مفتی محمد شفیع

واقعہ کربلا کے بیان میں سینکڑوں بلکہ شاید ہزاروں کی تعداد میں مفصل و مختصر کتابیں ہر زبان میں لکھی گئی ہیں لیکن ان میں بکثرت ایسے رسائل ہیں جن میں صحیح روایات اور مستند کتب سے مضامین لینے کا اہتمام نہیں کیا گیا، اس موضوع پر ایک مختصر مگر جامع مفتی شفیع رحمہ اللہ کی کتاب "شہید کربلا" ہے، اس کا اصل متن تاریخ کامل ابن اثیر ہے اس کے علاوہ دوسری کتب تاریخ طبری، تاریخ الخلفاء ، اسعاف الراغبین اور عام کتب حدیث سے بھی اقتباسات لیے گئے اور انکا ساتھ حوالہ دیا گیا ہے۔
ایک بات یاد رکھنی چاہیے کہ شہادت حسین رضی اللہ عنہ کے تاریخی حالات مخدوش ہیں، اس سلسلے میں مستند سمجھے جانے والے مورخین سے بھی روایت میں ملاوٹ ہوسکتی ہے، اس میں انکے ذاتی جذبات کا اظہار بھی ہوسکتا ہے کیونکہ اس میں متن کی کوئی سند نہیں ہوتی، ذیادہ تر روایات سمعی ہیں۔
پھر تاریخ کی مستند روایات بھی تاریخ ہی کی حیثیت رکھتی ہیں ، مستند تاریخ کا بھی وہ درجہ نہیں ہوتا جو مستند و معتبر احادیث کا کہ ان پر احکام عقائد اور حلال و حرام کی بنیاد ہوتی ہے یہی وجہ ہے کہ امام بخاری جیسے محدث کی تاریخ کبیر و صغیر کا وہ درجہ نہیں جو صحیح بخاری کا ہے۔ ان کو ایک تاریخی واقعہ کے متعلق ضروری علم کے لیے پیش کیا جاتا ہے، اصل ان سے ملنے والا سبق ہوتا ہے ۔ اس کتاب میں بھی توجہ اسوہ حسینی کی طرف ہی دلائی گئی ہے۔
ڈاؤنلوڈ لنک :
http://islamicbookslibrary.wordpress.com/2011/06/24/shaheed-e-karbala-by-shaykh-mufti-muhammad-shafi-r-a/